كوجينة ماطر نيوز : مقرونة ببوش بالسبناخ

المقادير
1 مغرفة صغيرة طماطم معجونة
1/2 كاس زيت زيتونة
1 رطل مقرونة ببّوش
1/2 رطل سبناخ
2 فصوص ثوم مهرسين
2 روس بصل مقصوصين جويدين
4 كعبات طماطم مقشرة ومعصورة
150 غرام تن
250 غرام ريقوتة
150 غرام جبن مرحي
1 رشة ملح
1 رشة فلفل أكحل
1/2 كاس أوراق حبق
طريقة التحضير
1 – قلّي في طنجرة: زيت + نص كمية البصل + ملح
2 – زيد للطنجرة: ثوم + طماطم معجونة + طماطم معصورة +فلفل أكحل
3 – صبّ الماء في الطنجرة + أرمي أوراق الحبق وخليها تغلي على نار متوسّطة
4 – قلّي زيت + باقي كمية البصل + سبناخ + ثوم + ملح + فلفل أكحل
5 – خلّي المقلى فوق النار لين يتنحّى منها ماء السبناخ
6 – زيد للمقلى: تن + ريقوتة وهبّطها من فوق الغاز
7 – حطّ الجبن فوق الخليط وحرك مليح لين يذوب
8 – أسمط المقرونة في: ماء + ملح + قطرة زيت
9 – صفّي المقرونة وعبّي بالكعبة بالكعبة من خليط السبناخ
10 – أعمل فرشة مالصلصة إلّي حضرتها في طبق الفور
11 – صفّف فوق الصلصة كعبات المقرونة المحشيّة
12 – رشّ المقرونة بالجبن وعاود سقي الطبق مرّة أخرى بالصلصة
13 – دخّل الطبق للفور مدّة 20 دقيقة وتحت درجة حرارة 200