كشفت الفنانة المصرية شيرين عبد الوهاب عن تفاصيل جديدة بخصوص انفصالها عن زوجها حسام حبيب في مداخلة هاتفية مع الاعلامي المصري عمرو أديب في برنامج “الحكاية”.
وقالت شيرين: “الانسان الحساس بزيادة ممكن يربي نفسه وأنا ربيت نفسي علشان غلطت في حق نفسي”.
وتابعت أنها بحاجة إلى “احتواء الناس لها” وتقديرهم وهي ليست بحاجة إلى مساعدة من أي شخص “عندي دكتور محمود مرسي وأنا مش مريضة نفسية.. أنا لما خلفت كان عندي وسواس قهري وأنا بتعالج من الإفرازات الزايدة اللي بيفرزها مخي وبيكبر المواضيع ..وأنا لو مريضة نفسية هقول وأنا حبيت اتريق على نفسي قبل ما حد يتريق عليا في حفلة إمبارح”.
وأضافت في تعليقها على طليقها حسام حبيب “أنا لسه بحبه .. أنا كده..”، وقالت عن رجوعها لحسام بأنه “معجزة ويكاد يكون مستحيل علشان اللي وصلناله ده له تمن واندفع”.
كما تحدثت شيرين عن المشاركة في الحياة الزوجية مشيرة إلى أنها “ست مصرية زي أي ست لو عاملتني اني نجمة هتخسرني”.
وأشارت إلى دعم بناتها لها قائلة: “بناتي طالما شافوني يبقوا يهون عليا حاجة تاني ولو كانوا حسوا اني ضعيفة كنت هنتحر عادي جدا وكنت هخلص من حياتي وطالما الجمهور قبلني كده تمام وانا مش هركب باروكة بس أنا مش fake ومقدرتش أكدب عليهم”.
وأضافت: “من الأول قلت العلاقة متنفعش وحسام راجل وسيد الرجالة والحتة الناقصة ناقصة في سننا والفرق بنا سنة واحدة وواحدة زي اتجوزت 3 مرات كان لازم يبقي فيه على الأقل فرق 3 أو 4 سنين”.
التعليقات مغلقة، ولكن تركبكس وبينغبكس مفتوحة.