كوجينة ماطر نيوز: مرقة ببوش

المقادير
1 ورقة رند
1 فنجان زيت
1 كيلوغرام ببّوش مسموط ومغسول
1 راس بصل مقصوص جيّد
1 مغرفة كبيرة فلفل أحمر
2 مغارف كبار طماطم معجونة
1 راس ثوم صغير مهرّس
1 مغرفة صغيرة اكليل أخضر
1 مغرفة صغيرة أفاحات: ملح + فلفل أكحل + تابل وكروية
طريقة التحضير
1 – حطّ الببوش في كسكاس ورش عليه السميد الأحرش وإلاّ الكسكسي باش ياكلو
2 – غطّي الكسكاس وثقلو مليح باش الببوش ما يخرجش
3 – (بعد نهارين أغسل الببوش مليح وخليلو الوقت باش يخرج مالقشرة متاعو (اذا فمة ببوشة ما خرجتش مسها بعود ما كانش لوحها خاترها ميتة
4 – غلّي الماء + ورقة رند + إكليل أخضر+ راس ثوم + تابل وكروية
5 – أرمي الببوش الحي في الماء المغلّي وخليه يطيب مدّة ربع ساعة
6 – قلّي في طنجرة أخرى: زيت + بصل + طماطم + فلفل أحمر+ الأفاحات + ثوم
7 – صبّ فوق الخليط ماء سخون
8 – صفّي الببوش وارميه في الطنجرة وخليه يطيب على نار هادئة