مقداد السهيلي لـفوزي بن قمرة : “انت تخدع في ربي بالسبحة … عامل الصلاة ماعون صنعة”..

نشر نقيب الفنانين مقداد السهيلي على صفحته بفايسبوك التحديثة التالية:

“إلى فوزي بن قمرة

هذا آخر كلامي معاك وباش نخليهولك ديمة عالفايسبوك باش يكون شاهد عليك وعلى تصرفاتك المشينة والسلبية معايا ومع كل من تعامل مع سيادتك …. هذي اغنيتي كلمة ولحنا … استغليتها كيما حبيت وما اعطيتنيش حقي … النسخة هاذي بركة اكثر من 200 الف مشاهدة … استعملت معاك كل طرق المعاملة الطيبة … ماحبيتش تفهم … صبرت عليك … وليت نطلبك ماتهزش عليا … انت ماتجيش فنان … انت ماتجي شيء … انت تخدع في ربي بالسبحة … عامل الصلاة ماعون صنعة … لحية وجبة وبلاكة في جبينك … حرام عليك وربي مايسامحكش …. باش نقعد ديمة نشهر بيك وبامثالك في سوء المعاملة والتحيل … والكذب … وماكلة عرق الناس … ربي يمهل ولا يهمل … كان جيت بالحق تخاف ربي راك مايجيكش النوم كي تتفكر اللي حق العباد وعرقهم في كرشك … وانا وراك وربي يراك .”