طبيب بيطري يكشف معطيات “صادمة” حول اللّحوم الحمراء و البيضاء …

كشف الطبيب البيطري بماطر  محمد علي السياري عن معطيات “صادمة”  حول  اللحوم البيضاء و الحمراء  و مدى خطورتها على صحة الانسان لاسباب ذكرها  في تدوينة كتبها على جدار صفحته الرسمية  قال فيها حرفيا ما يلي :

انا كطبيب بيطري نحب نعلم الناس لكل الّي برشة لحم الّي ناكلو فيه لكل غير صالح للاستهلاك، ، بقري و علّوش و دجاج و دندون، اوّلا خاطرو معبّي بالدواء، ادوية سامة للانسان موجودة فاللحم على خاطر الفلّاح يزرّق و حدو كيما يحب والّي يحب، يشري دواء مالصيدلية الّي تبيعلو منغير وصفة طبيب و منغير حتى ادنى علم بالدواء و هو يزرّق كيما يحب و يذبح و قت الّي يحب، مضادات حيوية ( antibiotiques) و مضطربات هرمونية( perturbateurs endocriniens) و لقاحات و مضادات طفيلية ( كيما الفيتوكس بالضبط) موجودين فالحم الّي تاكلو فيه على خاطر ما فمّا حتى رقابة و تحكّم فالدواء في تونس، ثانيا الّحم ما يتاكلش على خاطر مذابح اللحوم الحمراء اقرب منها للمزابل لأي حاجة اخرى، و المراقبة الصحية البيطرية بعيدة علّي يلزمو يكون خاطر البنية التحتية ما تسمحش و البيطري يخدم منغير حماية، نأكدلكم الّي ما فمّاش لحمة في تونس تنجّم تتعدّي اي مراقبة صحيّة في عالم متقدّم، ما تقولوش مبعّد علاش السرطان انتشر وعلاش فمّا رضّع ماتو ببكتيريا قويّة و علاش فلان و فلانة معرسين عندهم برشا و ما جابوش الصغار ( كلام على مسؤلية كل الأطباء البياطرة)

Capture

 

تعليقات
جار التحميل...